Meandering streams of ....

tukdon me jeene ki khwahish nahi ab.
berukhi teri, sahi ab na jaati,
yaad teri kahin ek pal ko na jaati.
roshni chha rahi diye se magar,
jal raha dekho kaise,kahi koi baati.
chahat ka toofan, jo mere jigar me,
ek lahar koi uski tum tak bhi jaati.
tadap ke woh kisse na ab main sunata,
tumhari khushi hi hai mujhko jo bhaati.
hansi tere hothon ki dekho gajab hai,
dhabba banaa uspe mera jikar hai.
dikhta hai tere peshiyon pe pasinaa,
jab jab hai chhaya tumpe mera asar hai..

The wish......

kafan ho gar sar pe mere,
naam unka uspe likhna.
dafn ho gar saans mere,
ek kalma unka padhna.
saans me thi basti chahat,
sar pe nishan unke labon ke.
sun lo aiye duniya ke logon,
ham jiye the unpe mar ke.
unke keshu ki woh khushbu,
aaj bhi mere badan par.
unki aahat , unki chahat,
aaj bhi chhati hai mann par.
woh masiha is jahaan ke,
main bikharta ek kaafir.
kya chale koi manjilon ko,
sath gar un saa musaafir.

The dream......

khayalon me tumko,saath main dekhta hu,
kaho na kaho, dil me kuch baat hogi.
sawaalon me tum ho, jawaabon me tum hi,
dikhe na dikhe , dil me ek aag hogi.
keshuon me tere , bheeni si khushboo,
kahti hai jaise, aaj kuch baat hogi.
aankhon me tere, jo chamakte sitaare,
kahte hain mujhse, aaj ek raat hogi.
saawan ki badli , teri yeh julfein,
jaane na jaane kab barsaat hogi.
mujhe chahti ho , kahna hai mushkil,
jaane haseen kab yeh kaaynat hogi.
hothon se dil ki kahte ho rukte,
kab dil ki dil se mulaaqat hogi..

Prayer..........

shaam mujhse poocch rahi manjil ka pataa hai ,
usko kya khabar ki yeh raahi bekhabar hai.
dikhta hai ek manjil jo hota raha hai door,
saath me bas hausala aur ishq hai bharpoor.
raaste lambe hi honge, chaah jo itni badi hai,
faasle bhi badh chalenge, raah jo aisi chuni hai.
khamosh rahta hu ki ab aahaton se dil hai darta,
ek adad ab kaan me geet unka hi hai bajta.
mud chale jo saath the, ab raasta veeran hua,
saath ke is hamgujar me jaane mujhse kya hua.
fariyaad karta main na maula , ishq ki tauheen woh,
ab ibaadat kar raha hu , jaane kab taskeen ho.
nafs mere dafn hote ,aankh meri surkh hoti,
par mere unko khabar kya,boond banta hi hai moti.
sun lo bas ek baar, dil se bolta hu ,chahta hu,
bas tumhari ek jhalak ko main yahaan kaafir hua hu.

Pain......

Ab doori bardaast nahi hoti,,,,
Kitni karvatein ginoon,
Kitni raaahein takoon..
Saanso ka woh ubaal,
Aankho me faila bawaal..
Ab doori…..
Waqt se kahta hu tham ja,
Chand se kahta hu ruk ja..
Dil me hai jo baat kah loon,
Aa kabhi meri bhi sun jaa.
Ab doori……
Kya tadap hai, kaise bataaun,
Apni kashish kaise chhupaun.
Dard hota hai , aaa jaao,
Jaan ko kab tak bahlaaun.
Ab doori bardast nahi hoti..

Sojourn.....

Kaarvein ke sath chale the ,
Aaj akele baithe hain.
Saagar ki pyaasi laharon se ,
Pyaas bujhaane baithe hain.
Kal tak khusiyon ka alam tha,
Aaaj andheri raatein hain.
Gumnaami ke is daaman me ,
Tum toh nahi teri yaadein hain.
Sapno me tum milte ho,
Palakein band hui kab se,
Ek baar aa jao saathi,
Saansein vinti karti tumse.
Hungame ke is kooche me,
Dhoonde fire kahaan ham tumko.
Ek baar aa jao maajhi,
Naiyaan saump doon main tumko.

Tread...........

hosh ka kya kaam hai.
karvaton me lipti woh raatein,siskiyon ki woh kashish.
shabnami un aansuon ki,bujh rahi dekho tapish.
mud ke mat dekho kahin bhi,koi bhi rukta nahin,
paaniyon me raaste ka dikhta kabhi nishaan nahin.
hosh ka kya kaam hai.
door dekho woh samandar,kar raha vaade kai,
badliyon ki oat le woh chandni ki kartab nayi.
kah raha hai dev fir se,fans na jaana tum kahin,
jindagi ek kaarvan hai,saath ka manjar nahin.
hosh ka kya kaam hai.
naajneen lagti jo manjil,hoti nahi hai woh sahi,
kufr ke dikhte hain chehre,kohre me bilkul haseen.
aao chal kar dekhte hai,raasta kitna bacha hai,
manjilon ki fikr kya jab, saamne andhera bhara hai.
hosh ka kya kaam hai.

Desire.............

jhukti aankhon ko aur bhi na jhukaaon,
maykashi intehaan paar kiye jaati hai.
raat gahri hai,jaam bhi hai aur tum bhi,
jindagi aaj mukaam kiye jaaati hai.
milne do hothon ko labon se maykash,
jism ab jaan me mahsoos hui jaati hai.
kaafir kaho ya fir kaho raaah ka bhoola,
baat tere hothon ki har ek muhe bhaati hai.
aaa lipat jaa ki koi raaat nahi baaki hai,
manjilein aur bhi par aaj ke ham saathi hain.

Separation.......

Haath chhoot gaya,
Shaam hone ko thi, aaandhiyaan kam na thi.
raah ke mod pe,gaanv ke chhor pe.
ham chale the kahaan se kahaan ke liye?
na tha ek bhi nisha,na koi karvan,raat ke oar pe.
saath chhoot chala

rah gaye ham yahaan,kashtiyaan bhi jahaaan,
aate jaate samandar ko dekha karein,aankh ke kor se.
sab diye bujh gaye,jard si sardiyaan.
ham tadapte rahe,woh kahan,ham kahan,chand ki oat le.
saath chhoot chala

aankh nam bhi hui,shab me gam bhi hue.
mit gaye kuch gumaaan,dhul gaye kuch nishaan.
raat badhti gayi,saans thamti rahi,
dhundhli hui baat beeti har ek,ugte hue bhor se.
saath chhoot chala.

The wish.....

Kahta nahi ab dard ko main ji raha hoon.

Jindagi ka jahar ab main pi raha hoon.

Dafn meri dhadkano me ek fasana pyar ka,

Band meri bojhil najar me ek chehra aapka.

Thak gaya hu jaagte , ab neend lambi maangta hu,

Aiye mere chahat ke masiha , maut mithi chahta hu.

Jindagi ka sath dete umra gujari hai yahaan,

Jindagi ek aakhiri arji sunaana chahta hu.

Bas karo ab saans ki ginati nahi hoti kabool,

Saans ke is taaj ek mahal unka chahta hu.

The wreck .....

Palakon ki oat me band woh aankhein,
khwaab ka intezaar ho shayad !

jalte tawe pe jalti boond si jindagi,
raakh ka bhi nishaan na ho shayad.

waqt ki kitaab aur gamon ki roshnaai,
haashiye ka gumaan na ho shayad.

mat kaho ki woh mera kaatil hai,
unhe iska gumaan bhi na ho shayad.

band aankhon ko band kar lenge hum,
aaandhiyaan aur bhi baaki ho shayad.

The wanton....

Dil mera nadaan hai,pehchaan lijiye,
kuch toh dard e dil pe ab ehsaan kijiye.
muddaton tak sagar e toofan me ham tadpa kiye,
ab toh kinaaron se koi paigaam bhejiye.
dil mera......
baadlon ko dekhte ham umra bhar baithe rahe,
ab toh yeh jaam e najar barsa hi dijiye.
waqt ki in kashtiyon me hain dararein kam nahi,
jal raha hai jismo jaaan,ab thaam lijiye.
dil mera......
dooriyon ka vaasta fir se na dena ab kabhi,
dil me hi mere dard ko pashemaan kijiye.
dil mera........

Bewilderment....

kahta hai dev aaj, ki aankhon me kuch nahi,
raat ka kaala dhuaan aur bechaargi yahaan.

waqt ki us aaene me jab jab ham jhankaa kijye,
silvaton ka faasla kuch kam hota sa dikha.

nabj thamti hai ki ab sabra ka na pul raha,
ajab hai yeh baadh jisme sab kuch hai bah chala.

din the woh kuch aur jab hamgujar hua kiye,
woh toh kab nikal chale,main nishan padhta raha.

tere liye hi duniya ki har takrir se ham ladte rahe,
ab toh haathon ki lakeeron se hi ladna bach raha.

haayre bechaargi,aisi deewanagi kar chale,
goya mila toh kuch nahi ,tanhaayon ka silsilaa....

Togetherness.....

Haath chhoot gaya,
Shaam hone ko thi, aaandhiyaan kam na thi.
raah ke mod pe,gaanv ke chhor pe.
ham chale the kahaan se kahaan ke liye?
na tha ek bhi nisha,na koi karvan,raat ke oar pe.
saath chhoot chala

rah gaye ham yahaan,kashtiyaan bhi jahaaan,
aate jaate samandar ko dekha karein,aankh ke kor se.
sab diye bujh gaye,jard si sardiyaan.
ham tadapte rahe,woh kahan,ham kahan,chand ki oat le.
saath chhoot chala

aankh nam bhi hui,shab me gam bhi hue.
mit gaye kuch gumaaan,dhul gaye kuch nishaan.
raat badhti gayi,saans thamti rahi,
dhundhli hui baat beeti har ek,ugte hue bhor se.
saath chhoot chala.

Xpectations.....

Chahat ki shartein kuch aisi na puccho,
Jalne do dil ko aur mud ke na dekho.
Chaho ki chahat hai mushkil tumhari,
Unko garaj kya tum yeh bhi toh socho.

Pyaar ke kiss eek tarafe hain hote,
Tum hi tim ab chahat ki andhi ko jhelo.
Chahat hai dil me toh khud me simat ja,
Unki najar ko fir tum ab kyun tarso.

Duniya hai waakif ,pyaar ke khataron se,
Tumne li jokhim toh haalat toh dekho.
Ab kyun tadapte tum unki wafaa ko,
Apni wafaa ko bas ji kar ke dekho.

sans......

tere haathon ki lakeeron me mera naam nahi,
beete hue kal ka koi hota anjam nahi.
ishq , khuda aur chahat kahne ki baatein hain,
insaano ki duniya me deewano ka kaam nahi.

pata nahi khuda ne , kyun dil ka khel khela,
bejaar si us basti me chahaton ka rela.
kadam bade the naajuk,do chaar ham chale the,
jo bach raha tha mujhme bas peer ka ek rela.

kasam tumhe khuda hai,fir khel yeh na bunna,
marte hue deewane se hasne ko tum na kahna.
dekhi teri khudai , dekhe tere yeh insaan,
hamne jo khuda banaya,uska khayaal rakhna.

You ......

My breath was uneven,dry throat,shivering hands,sagging morale and i was a living corpse or a dying man. Alone all alone in the vastness of horizons, which never culminate, encompasses me a tale of melancholy.
She left me , should i say this or blame it to my destiny or time. Or may be my mettle wasnt enough for her. The memoirs are killing, i pursue, i run around amidst the wall sided house of my personality. The strong, heated walls of my "self" stop me. I want to jump out, lay unguarded, lost in the bewilderment of the torrents of storms and amidst the soot of night. Alas i am caged . The iron cage of consciousness. The cage with the food of thoughts ,which makes u ponder, which makes u think beyond , which makes u visualise the unseen, which propels u to live, for some unknown good. She was a phenomena , as far as i perceived. A streak of fragrance. I used to feel it. But she wanted the mass, the mass of filthy humane existence. Soul wasnt to suffice her, and there did it hit, such a blow that the life ceased. No mass, no soul all apart.
Yet i exist, with every setting sun i await the darkness, the emptiness of life. I start to visualise the ether. The world couldnt be any beautiful, forms start taking place, streams emanate, music cascades and there...Yes man , there u can see some great life in the vast empty sky. Ultimately i feel something , close my eyes, i feel the same magic . What's the truth. Hey , its all inside me .
I am the abode of entire cosmos . Isnt it? See the vastness of the darkness from my closed eyes, no start no stop. The stretch goes sine die. There do i stand , mesmerised by my own existence and there do i find the fragrance. The same which she had. But i dont find any she. Am i in some illusion? I rub my closed eyes, oh i do exist, yeah , i pursue the incense , its the same aura. I feel u , in , around , above , below everywhere. Hey , u r nobody and u r everybody, u exist everywhere and u exist nowhere. U r my own creation. Miamore , u r my creation and u live in me. U reside in me , my mind is ur home. My feelings ur thoughts , my expressions ur dress and my imagination ur experience. U r lovely, here it goes , here ends the mirage , U n me , made for each other. I exist to vindiacate ur existence. The closed eyes and the opened insight. Yes , there did i find u , my real soul mate . The breath goes on , the heart keeps beating, The sun rises and sets and the life goes on... Me , myself and the " YOU".....